Сайгъылы 5-инджи сыныф талебелери!

Табиатшынаслыкъ боюнджа дерслик сизлерге мувафакъиетнен янъы бильгилер алмагъа, ильмий козетювлер алып бармагъа, ольчюлер япмагъа ве экспериментлер кечирмеге ярдым этер. Бу уйкен сыныфларда биология, джогърафия, физика, химия огренювде муим бир басамакъ олур.

Эр бир параграф «Сиз бу параграфны огренерек» деген рубрикадан башлангъанына дикъкъат этинъиз. Анда параграфнынъ метнинен чалышув табиатшынаслыкъ боюнджа насыл бильгилер алмагъа ярдым этеджеги къайд этильген. Эсас мундеридже — къаиделер ве анъламларнынъ бельгилери — ренкли шекиллерде ерлештирильген. Метинге къошма оларакъ язылгъан шейлерни анъламагъа ярдым этеджек ресимлер берильген.

«Табиат тедкъикъатчылары олунъыз» рубрикасында дерсте я да эвде тедкъикъатларны насыл алып бармакъ кереклиги акъкъында язылгъан.

«Табиат къоруйыджылары олунъыз» адлы рубрика табиат-шынаслыкъ боюнджа эльде этильген бильгилерни табиат ичюн насыл файдалы къулланмагъа кереклигини ярдым этер. «Бильги сандыгъы» рубрикасындан сиз чокъ меракълы шейлер акъкъында билирсинъиз, деген умюттемиз.

Информациянен пайлашмагъа, озь нокътаий назарынъызны къо-румагъа сизлерге «Берабер группаларда чалышынъыз» рубрикасы ярдым этер. Анда тедкъикъатчылыкъ амелиятнынъ кичик лейхалары ве иджадий вазифелер кирсетильген.

Эр бир параграфнен чалышкъан сонъ бильгилерни насыл меним-сегенинъни анъламакъ ичюн озь-озюнъни тешкер. Бунынъ ичюн дерсликте учь группа вазифе бар. «Суаллерге джевап беринъиз» рубрикасы тек агъзавий шекильде джевапны талап эте. Джедвеллерни толдурув, схемалар, эсаплар тизювни талап эткен вазифелер «Дефтерде беджеринъиз» рубрикасында ерлештирильген. «Иджадий вазифе»ни беджермек ичюн сизлерге зийреклик, бедиий къабилиет, озь эмегинънинъ нетиджелерини такъдим эте билювни косьтермек керек.