У гэтым годзе ў раздзеле «Апрацоўка драўніны» вы вывучыце асноўныя віды ручной і механічнай апрацоўкі драўніны. Навучыцеся тачыць вонкавыя фасонныя паверхні, апрацоўваць драўніну ў працэсе грунтавання, фарбавання і паліравання, выконваючы патрабаванні па ахове працы і эканомна расходуючы матэрыялы.

У раздзеле «Апрацоўка металаў» вы азнаёміцеся з відамі апрацоўкі металаў. Навучыцеся тачыць вонкавыя канічныя паверхні на такарна-вінтарэзным станку, наразаць вонкавую і ўнутраную разьбу, а таксама збіраць дэталі з металу на разьбе. Даведаецеся больш пра тое, як рабіць аддзелку вырабаў з металаў.

Раздзел «Тэхнічная творчасць» раскрые веды пра асноўныя ўласцівасці і галоўныя памеры суднамадэлей. Вы вывучыце: тэхналогіі вырабу корпуса судна з пап’емашэ, асноўных дэталей вінтаматорнай устаноўкі, рубкі з тонкаліставога металу; тыпы рухавікоў і рухачоў для суднаў; аддзелку, выпрабаванне і рэгуляванне мадэлей; атрымаеце ўяўленне пра тэхніку і транспарт і такую ўласцівасць кампазіцыі вырабу, як каляровасць.

Пры вывучэнні раздзела «Мастацкая апрацоўка матэрыялаў» вы авалодаеце на выбар тэхналогіяй геаметрычнай разьбы па драўніне або лясной скульптуры. Даведаецеся, як правільна выконваць разьбу двух- і трохгранных крывалінейных выемак. Вывучыце інструменты і прыстасаванні для выканання дужкавай разьбы і лясной скульптуры.

На пачатку працы над кожным раздзелам вы будзеце арганізоўваць вучэбныя месцы ў адпаведнасці з парадкам і правіламі, вывучанымі раней у працэсе апрацоўкі канструкцыйных і прыродных матэрыялаў.

{module Google (справа)}

{source}
<iframe class="pickFlip" data-src="https://s3.amazonaws.com/online.fliphtml5.com/maug/giez/index.html#p=1" allowfullscreen=""></iframe>
{/source}

{module Comments}